Të apasionuarit pas mbledhjes së vezëve në fund të viteve 1880 e dinin se hobi ishte vendimtar për të kuptuar botën natyrore, por me gjasë nuk e kishin imagjinuar kurrë që kërkimi i tyre do t'i ndihmonte shkencëtarët më shumë se 100 vjet më vonë të kuptonin se si zogjtë ndikohen nga ndryshimi i mjedisit.

Duke përdorur një koleksion modern dhe një koleksion të mostrave të vezëve së epokës viktoriane, studiuesit zbuluan se disa lloje zogjsh në zonën e Çikagos po folezojnë dhe vendosin vezë pothuajse një muaj më herët se sa një shekull më parë.

Kriza klimatike është fajtore, thonë studiuesit.

Nga 72 speciet e dokumentuara në të dhënat e tyre, një e treta kanë folezuar më herët, zbuloi ekipi. Zogjtë që ndryshuan zakonet e tyre të foleve lëshuan vezë mesatarisht rreth 25 ditë para kohe.

Shkencëtarët vështruan rritjen e temperaturave për të shpjeguar ndryshimin në sjellje, raporton CNN.

“Shumica e zogjve në të dhënat hanë insekte, dhe ato insekte hanë bimë, kështu që i gjithë ekosistemi është i lidhur”, tha John Bates, autori kryesor i studimit.

Nga dy koleksionet e analizuara të vezëve, i pari përfshin të dhëna nga viti 1880 deri më 1920. Grupi i dytë varion nga 1990 deri më 2015.

Një studim tjetër zbuloi se zogjtë shtegtarë të Amerikës së Veriut duket se po zvogëlohen si përgjigje ndaj ndryshimeve klimatike. Dhe një vazhdim i studimit tregoi se zogjtë që kanë tru më të madh, në krahasim me madhësinë e trupit të tyre, nuk po zvogëlohen aq shumë sa homologët e tyre me tru më të vogël./Motilokal.com