Ideja për një biçikletë elektrike bore i erdhi fillimisht Nicolas Muron, shef i MoonBikes, në vitin 2015, kur vizitoi shtëpinë e gjyshërve të tij në Alpet Franceze.

Ai bëri një vëzhgim të thjeshtë, opsionet e transportit janë të pafundme në muajt e verës, por kur vjen dimri, makinat dhe ato të dëborës janë shumë ndotëse.

Një apasoionuar pas teknologjisë, Nicolas mori përsipër sfidën për të gjetur një zgjidhje.

"Doja të bëja një makinë që është e lehtë për t'u përdorur dhe elektrike për të mbrojtur mjedisin dhe për të shijuar gjithçka", thotë ai.

Me këtë në mendje, Muron filloi të krijojë biçikletën e parë elektrike të borës në botë, një ndërmarrje ambicioze që synon mbrojtjen e mjedisit dhe të argëtohet në stinën e dimrit.

"Është elektrike dhe pazhurmë, kështu që nuk shqetëson askënd dhe mbron mjedisin, mbron malet."

Dizajni i Muron është "i lehtë për t'u përdorur", duke demokratizuar industrinë e transportit të borës, e cila më parë ofronte pak mundësi për një demografi më të gjerë.

"88 për qind e përdoruesve të makinave me borë janë meshkuj, kështu që makinat e dëborës nuk janë për të gjithë", thotë inxhinieri francez.

Me vetëm 87 kilogramë, MoonBike ofron një alternativë të shpejtë mbi tre herë më të lehtë se një makinë dëbore konvencionale.

Por ndërkohë që faktorët ergonomikë si këta mbeten një pikë kyçe e shitjes për dizajnin e Muron, shtysa e tij kryesore qëndron në sjelljen e qëndrueshmërisë në një industri famëkeqe për gazin e saj.

Motorski me lëndë djegëse fosile shkaktojnë dëme të konsiderueshme në mbulesën e tokës, duke ndikuar në rritjen e bimësisë gjatë gjithë vitit.

Në një orë, një makinë tipike dëbore mund të lëshojë aq hidrokarbure sa një makinë e modelit 2008 me 86,000 kilometra ngasje.

Tymrat e tyre të shkarkimit përmbajnë nivele të rrezikshme të toksinave të ajrit, duke degraduar cilësinë e ajrit dhe duke ndryshuar kiminë e borës.

MoonBike ndërkohë mund të mbulojë deri në 64 kilometra me një bateri të vetme 2.5 kilovat. Mund të ngjitet në shpatet me një pjerrësi prej 40 për qind dhe me shpejtësi maksimale deri në 42 kilometra në orë.

"Për shkak se është plotësisht pazhurmë, ju me të vërtetë ndiheni sikur jeni duke rrëshqitur."