Nëse e keni të vështirë që të zgjidhni ngjyrën e makinës, BMW ka menduar për ju me elektriken iX Flow, që ndryshon ngjyrë nga e zeza në të bardhë vetëm duke shtypur një buton.

Firma gjermane e automobilave zbuloi automjetin sportiv të ngjashëm me "kameleonin" sot në Panairin Consumer Electronics, i cili po mbahet në Las Vegas, Nevada.

Aftësia për ndryshimin e ngjyrave përdor të njëjtën teknologji elektroforetike 'E ink' të integruar në ekranet e lexuesve të e-Book.

Elektroforeza funksionon duke përdorur një fushë elektrike të aplikuar për të ndarë molekulat - në këtë rast, pigmentet e zezë dhe të bardhë - bazuar në ngarkesat e tyre elektrike përkatëse.

Krahas përfitimeve estetike, ndryshimi i ngjyrës së makinës mund të përdoret gjithashtu edhe për disa funksione të tjera, shpjeguan projektuesit.

Në të ardhmen, e njëjta teknologji mund të aplikohet edhe në brendësi të modeleve të reja të BMW-së, duke i lejuar drejtuesit të ndryshojnë edhe ngjyrën e brendshme të makinës së tyre./Motilokal.com