Shqipëria në kë fillim viti është përfshirë nga një valë e ngrohtë, me diell e temperatura të larta, duke sjellë turistë nga vendet e Europës.
Turistët italianë e francezë kanë zbritur në bregdetin shqiptar për t’i shijuar ditët e para të vitit të ri nën rrezet e diellit.
Ministrja e Turizmit dhe Mjedisit, Mirela Kumbaro ndau sot foto të bëra nga turistët italianë e francezë të cilët po zhvillojnë një tur në Shqipëri.
“Mirëmëngjesi nga Qeparoi, me këto foto të turistëve italianë e francezë që magjinë e peizazhit të bregdetit tonë e shijojnë po aq edhe gjatë dimrit”, tha Kumbaro.
Qeparoi, një ndër atraksionet verore të Bregut të Jonit mirëpret turistët me një pamje tërësisht të transformuar.
Shëtitorja e re që kalon në të gjithë vijën bregdetare i ka dhënë Qeparoit tiparet e një fshati tipik turistik mesdhetar, ku janë ruajtur karakteristikat dhe traditat e zonës.
Bukuritë natyrore dhe trashëgimia kulturore e Shqipërisë po tërheqin gjithnjë e më shumë vëmendjen e turistëve të huaj, nga vende të ndryshme të botës./Motilokal.com
