Fundjavën që lëmë pas Kuvajti është goditur nga shirat e rrëmbyeshëm, duke përmbytur zonat e banuara dhe duke detyruar mbylljen e disa autostradave kryesore. Nuk raportohet për humbje jetësh, por autoritetet thanë se shpëtuan deri në 106 persona. Zyrtarët thanë se sasia e reshjeve tejkaloi 60 mm në disa zona, që është më shumë se gjysma e reshjeve mesatare vjetore të Kuvajtit prej 100 mm.

Qytetarëve të Kuvajtit iu tha të qëndronin brenda në mes të motit të stuhishëm të dielën, pasi departamenti i zjarrfikësve të ushtrisë ndihmoi në pastrimin e rrugëve të përmbytura dhe zonave të tjera.

Ministria e Brendshme tha se qytetarët nuk duhet të dalin jashtë nëse nuk është absolutisht e nevojshme duke pasur parasysh erërat e forta dhe reshjet e dendura të shiut që po përjeton vendi që nga e shtuna.

Departamenti Meteorologjik i Kuvajtit parashikon reshje të moderuara deri të dendura në shumicën e zonave të vendit dhe stuhi të forta.

“Reshjet pritet të zgjasin deri në mesnatë, kur do të zvogëlohet gradualisht me mundësi për mjegull në disa zona”, raportoi Agjencia e Lajmeve Kuvajt, duke cituar parashikimin e Met./Motilokal.com