Teleskopi James Webb prej 10 miliardë dollarësh e ka lënë Tokën në misionin e tij për të treguar yjet e parë që ndriçojnë Universin.

Fluturimi i tij në orbitë pritej të zgjaste më pak se gjysmë ore, me një sinjal që konfirmonte një rezultat të suksesshëm që do të kapej në Kenia.

Webb, i emëruar sipas një prej arkitektëve të uljeve të Apollo në Hënë, është pasardhësi i teleskopit Hubble.

Inxhinierët që punojnë me agjencitë hapësinore të SHBA-së, Evropës dhe Kanadasë kanë ndërtuar megjithatë observatorin e ri për të qenë 100 herë më i fuqishëm.

Ngritja pritej me padurim, por u shoqërua edhe nga një pjesë e madhe e ankthit. Mijëra njerëz në mbarë botën kanë punuar në projekt gjatë 30 viteve të fundit. Edhe është Ariane është shumë i besueshëm, nuk ka garanci kur bëhet fjalë për raketat.

Tani teleskopi James Webb do t’i duhet një muaj kohë për të arritur në destinacionin e orbitës diellore, rreth një milion milje nga Toka, që është rreth katër herë më larg se nga Hëna.

Një objektiv kyç do të jetë epoka e yjeve pionierë që i dhanë fund errësirës që teorizohet se ka pushtuar kozmosin menjëherë pas Big Bengut më shumë se 13.5 miliardë vjet më parë.

Ishin reaksionet bërthamore në këto objekte që do të kishin farkëtuar atomet e para të rënda thelbësore për jetën – karboni, azoti, oksigjeni, fosfori dhe squfuri.

Një tjetër qëllim kryesor për Webb do të jetë të hetojë atmosferët e planetëve të largëta. Kjo do t’i ndihmojë studiuesit të vlerësojnë nëse këto botë janë në ndonjë mënyrë të banueshme./Motilokal.com