Gripi i shpendëve është zbuluar në një fermë shpendësh në prefekturën Akita në Japoninë verilindore.
Sipas autoriteteve lokale, pothuajse 143.000 pula do të asgjësohen pasi gripi i shpendëve u zbulua në 12 nga 13 pulat e testuara në fermën në rajonin e Yokote, transmeton Anadolu.
Në raportimin e agjencisë Kyodo News thuhet se autoritetet lokale kanë ndaluar gjithashtu dërgesat e pulave ose vezëve nga fermat brenda një rrezeje 10 kilometrash nga ferma e prekur, ndërsa trupat e Forcave të Vetëmbrojtjes janë dërguar për të ndihmuar në adresimin e çështjes, thuhet në raport.
Kryeministri Fumio Kishida ka bërë thirrje gjithashtu për mbledhjen e informacionit dhe ka udhëzuar institucionet përkatëse që të punojnë ngushtë për të ndërmarrë hapa parandalues menjëherë./Motilokal.com
