Themeluesi i Amazon, Jeff Bezos ka premtuar 2 miliard dollarë për restaurimin e peizazheve natyrore dhe transformimin e sistemeve ushqimore.

Një premtim të tillë, Bezos e bëri gjatë fjalës së tij në samitin COP26 të OKB-së, që po mbahet në Glasgow.

Ai tha se udhëtimi i tij në hapësirë në muajin korrik e kishte ndihmuar të kuptonte se Toka ishte “aq e kufizuar dhe po ashtu aq e brishtë”.

“Duke e parë Tokën nga lart, atmosfera duket kaq e hollë. Bota është kaq e kufizuar dhe po kaq e brishtë. Në këtë vit të vështirë, ajo se çfarë duhet të bëjmë në dekadat e ardhshme është të qëndruarit së bashku, për të mbrojtur botën tonë”, tha ai.

Duke folur në konferencën COP26, Bezos tha se “Në shumë pjesë të botës, natyra tashmë po kthehet nga një lavaman karboni në një burim karboni”.

Fondi Bezos Earth planifikon të shpenzojë 10 miliardë dollarë për të luftuar ndryshimet klimatike në përgjithësi.

Gjysma e shumës së premtuar nga Bezos do të shkojë për restaurimin e peizazhit në Afrikë dhe në Shtetet e Bashkuara.

Pjesa tjetër do të shpenzohet për reduktimin e sasisë së karbonit në atmosferë dhe për transformimin e sistemeve të prodhimit ushqimor.

Në Glasgow, themeluesi i shitësit më të madh në internet në botë përshkroi përvojën e udhëtimit me raketën e tij, New Shepard, në korrik si një zbulim i cenueshmërisë së Tokës “Më thanë se shikimi i Tokës nga hapësira ndryshon thjerrëzën nga e cila shikon botën, por unë nuk isha i përgatitur për atë se sa do të ishte e vërtetë”./Motilokal.com