Tërmeti zgjoi qytetarët në të gjithë Dalmacinë dhe u ndje në të gjithë Kroacinë dhe në Bosnjë dhe Hercegovinën fqinje. Qytetarët kanë raportuar se ka ndier tërmetin në Dubrovniku, Spliti dhe Zagreb.

Sipas kësaj gazete “Total Croatia News” thuhet se qeveria e Republikës së Shqipërisë ka bërë kërkesë për ndihmë ndërkombëtare përmes Qendrës së Koordinimit të Reagimit të Emergjencave (ERCC) të Mekanizmit të Mbrojtjes Civile të Bashkimit Evropian dhe deri më tani ka pranuar ndihmën e Italisë, Greqisë dhe Rumanisë.

Përmes Ambasadës Kroate në Tiranë, u vendos kontakti me Zëvendësministrin e Punëve të Brendshme dhe pranimi i ndihmës dypalëshe të Kroacisë u konfirmua. Siç u tha, një ekip kroat i kërkimit dhe shpëtimit i përbërë nga pesëmbëdhjetë anëtarë të Drejtorisë së Mbrojtjes Civile të MUP dhe tetë qen shpëtimtarë do të vendosen në Shqipëri, së bashku me dy helikopterë ushtarakë të MOD.

Kroacia është ende në kontakt me ERCC për vendosjen e mundshme të ekipeve shtesë të kërkimit dhe shpëtimit dhe ekspertëve nëse kjo kërkohet.

Përveç tërmetit shkatërrimtarë në Shqipëri, Shërbimi Sizmologjik Kroat regjistroi edhe një tërmet shumë të fortë me epiqendër në Blagaj të Bosnjës dhe Hercegovinës dje në ora 10:19. Madhësia e tërmetit ishte 5.4 sipas shkallës Rihter dhe ai tërmet u ndje gjithashtu në të gjithë Dalmacinë, shkruan Total Croatia News. /Motilokal.com