Dita e parë e nëntorit në Shqipëri nis me mot të kthjellët e me diell, por nga mbrëmja e deri në mesditën e së martës një sistem frontal do të përshkojë vendin duke sjellë me vete reshje shiu e rrebeshe në pjesën perëndimore e atë bregdetare, të shoqëruara edhe me shkarkesa elektrike. 

Dita e hënë do të mbajë mot të kthjellët e me diell, pasdite pjesërisht me re, e në mbrëmje me vranësira e reshje shiu. Temperaturat do të luhatën nga 10 deri në 19 °C.

Të martën pritet të mbajë mot me vranësira e reshje shiu, të shoqëruara edhe me rrufe. Temperaturat parashihet të lëvizin prej 16 deri në 18 °C.

E mërkura parashikohet të jetë me mot pjesërisht me re. Temperaturat do të sillen prej 14 deri në 22 °C./Motilokal.com