Mijëra familje në Francë mbetën pa energji elektrike dhe trenat ndaluan qarkullimin nga Normandia drejt Parisit, pas stuhisë së fuqishme Aurora që përfshiu veriun e Francës, ndërsa një situatë e ngjashme u shënua dhe në Britani, Holandë e Belgjikë.

Katër persona mbetën të lënduar në qytetin holandez të Barendrecht, ku erërat e fuqishme shkulën çati shtëpish e pemë në orët e para të ditës. Stuhia nisi duke goditur brigjet e Bretanjës në Francë, me skena të njëjta si ato në Holandë.

Shërbimi francez i meteorologjisë dha alarmin sidomos për rajonet që ndajnë kufijte me Gjermaninë, Belgjikën e Luksemburgun. Në Normadi, era sipas ekspertëve, arriti shpejtësinë e gati 200 km/h.

Operatori i rrjetit hekurudhor te Gjermanisë, Deutsche Bahn pezulloi lëvizjen e të gjithë trenave të distancave të gjata në Vestfalinë Veriore, ndërsa vonesa e anulime të lëvizjes pati dhe në pjesë të tjera të vendit.

Gjithashtu në qytetin belg, Westerhoek, punonjësit e ndërhyrjes së shpejtë thanë se kanë marrë dhjetëra telefonata për dëme dhe probleme nga stuhia./Motilokal.com