Një stuhi e fortë ka goditur bregun lindor të Australisë, e shoqëruar me rrebeshe shiu dhe breshër.

Si pasojë e kokrrave të mëdha të breshërit janë dëmtuar ndërtesa të shumta. Kjo është stuhia me breshërin më të madh të rënë ndonjëherë më parë në Australi, me një diametër prej 16 centimetrash.

Breshëri ka rënë në Queensland ndërsa autoritetet e emergjencës thanë se vetëm gjatë të mërkurës pasdite kishin marrë 280 telefonata për ndihmë.

Një qendër tregtare në Coffs Harbour u evakuua pasi shirat bënë që çatia të binte. Në të ndodheshin të strehuar rreth 400 persona, kur uji nisi të futej brenda./Motilokal.com