Dhjetëra pinguinë afrikanë të rrezikuar duket se janë vrarë nga një tufë bletësh në Afrikën e Jugut.

Parqet Kombëtare të Afrikës së Jugut, ose SANParks, thanë se 63 pinguinë u gjetën të ngordhur në një Koloni në Simonstown, pranë Cape Town.

Ata ishin pjesë e një kolonie të pinguinëve afrikanë (Spheniscus demersus) që jetonin në një rezervat natyror, të cilët konsiderohen të rrezikuar, sipas Listës së Kuqe të Unionit Ndërkombëtar për Ruajtjen e Natyrës (IUCN).

Zona është një park kombëtar dhe bletët e mjaltit në Kep janë pjesë e ekosistemit.

“Pas testeve, ne gjetëm pickime bletësh rreth syve të pinguinëve,” tha  David Roberts, një veteriner.

“Kjo është një dukuri shumë e rrallë. Ne nuk presim që të ndodhë shpesh, është një fatkeqësi. Kishte edhe bletë të ngordhura në vendngjarje. ”

Parqet Kombëtare të Afrikës së Jugut thanë se pinguinët  kishin pickime të shumta nga bletësh.

Një pinguin ishte goditur 27 herë.

“Autoritetet tani janë duke kërkuar për zgjua për të gjetur se çfarë mund të ketë shkaktuar sulmin e bletëve”, tha Howard-Clayton.

"Zakonisht pinguinët dhe bletët bashkëjetojnë", tha Dr. Allison Kock, një biologe detare e SANParks. "Bletët nuk pickojnë nëse nuk provokohen - ne po punojmë në supozimin se një fole ose koshere në zonë u shqetësua dhe bëri që një masë bletësh të largoheshin nga foleja, të vërshonin dhe të bëheshin agresive."

Në tre dekadat e fundit, numri i pinguinëve që jetojnë në Afrikën e Jugut ka rënë me 73 për qind në 10.400 çifte, sipas Fondacionit për Ruajtjen e Zogjve Bregdetarë në Afrikën Jugore./Motilokal.com