Një shtëpi në rrota, plotësisht me energji diellore ka filluar udhëtimin njëmujor në të gjithë Evropën.

Duke filluar një udhëtim nga Holanda në Spanjën jugore, ajo do të çojë studentët që ëndërruan idenë për një udhëtim së bashku.

Ky automjet në formë shtëpie mund të prodhojë energji të mjaftueshme diellore për të udhëtuar deri në 730 kilometra në një ditë me diell dhe është quajtur Stella Vita nga Solar Team Eindhoven.

Ky projekt është interesant për faktin se bëhet fjalë për veturën që në fakt përfaqëson “shtëpinë në rrota” dhe ofron një hapësirë për jetesë – ku brenda ka dush, shtretër, kuzhinë dhe sistemin “infotainment”

Deri më tani studentët kanë dizajnuar disa vetura me motor solar, përfshirë Stella Vie me pesë ulëse që lejohet të vozitet nëpër autostrada, gjithashtu nëpër rrugë. Karakteristika kryesore e saj është kulmi që mund të zgjerohet falë sistemit elektrik.

Ky sistem shtyn kulmin larg, e dy panele shtesë dalin jashtë duke bërë që hapësira me panele solare të rritet në 17.5 metra katrorë. Brendësia është dedikuar për dy persona, për një jetë modeste, ku ka shtretër dhe kuzhinë e tualet me dush.

Sistemi infotainment është i lidhur me të gjitha pjesët e veturës dhe mund të shërbej si përcjellës i shpenzimit të energjisë.

Studentët do të vizitojnë universitet me shpresën se do të frymëzojnë kolegët e tyre që t’i përkushtohen inovacioneve, ku synim kanë edhe takimet me politikanë me qëllim të promovojnë luftën kundër ndryshimeve klimatike.

Ekipi Solar Eindhoven do të ndalet në qytete gjatë rrugës, duke organizuar ngjarje dhe duke ftuar kalimtarët për të parë se si funksionon Stella Vita./Motilokal.com