Pandemitë e tilla si COVID-19 do të jenë më të shpeshta në të ardhmen dhe shanset po rriten që secili prej nesh mund të përjetojë një tjetër në jetën tonë.

Pandemitë po bëhen gjithnjë e më të shpeshta dhe të mundshme, sipas një studimi të një ekipi ndërkombëtar studiuesish (botuar në PNAS) të kryer nga Universiteti i Padovës, i cili thotë se probabiliteti që një pandemi si kjo e COVID-19 mund të ndodhë në çdo moment, çdo vit dhe mund të trefishohet në dekadat e ardhshme.

"Frekuenca me të cilën dalin sëmundjet e reja epidemike nga rezervuarët e kafshëve është rritur në dekadat e fundit për shkak të ndryshimeve antropogjene të mjedisit", shpjegon Marco Marani, kreu i studimit, duke theksuar se ne nuk jemi ende të përgatitur për epidemitë me intensitet të madh, të cilat sidoqoftë nuk janë të pamundura.

Studiuesit analizuan të dhënat nga katër shekuj të epidemive kryesore (1600-2020). Ata gjetën 476 dokumente mbi këtë temë, dhe rreth gjysma e tyre kishin numrin e deklaruar të të vdekurve. Rreth 145 epidemi shkaktuan më pak se 10.000 vdekje ndërsa 114 prej tyre ne e dimë që ekzistonin, por nuk e dimë sa njerëz vdiqën.

Përveç kësaj, duhet përmendur se ata përjashtuan nga studimi të gjitha infeksionet aktive – COVID-19, HIV dhe malaria. Duke analizuar të dhënat, ekipi zbuloi se numri vjetor i epidemive ndryshon shumë, dhe probabiliteti i rasteve ekstreme të tilla si gripi spanjoll (1918-1920) që përsëriten çdo vit për 400 vjetët e fundit është midis 0.3 dhe 1.9 për qind. “Një rënie e lehtë në gjasat e intensitetit të epidemisë nënkupton që epidemitë ekstreme janë relativisht të mundshme,” thuhet në studim.

Për t’i bërë gjërat më mirë, gjasat rriten me kalimin e kohës. Në 50 vitet e fundit, ne kemi qenë dëshmitarë të rritjes së niveleve të patogjenëve të rinj që përhapen midis njerëzve. SARS-CoV-2 është shembulli më i dukshëm, por nuk duhet harruar se ne kemi pasur edhe gripin e derrit, gripin e shpendëve, Ebola dhe shumë epidemi të tjera në dekadat e fundit.

“Kur marrim parasysh numrin në rritje të sëmundjeve me origjinë shtazore, e cila shoqërohet me ndryshimin e klimës, e gjithë kjo krijon një klimë për krijimin e një pandemie të ngjashme me COVID-19, dhe probabiliteti mund të dyfishohet në dekadat e ardhshme”, thuhet më tej më studim. Edhe pse ende nuk jemi shëruar nga pandemia aktuale, është e rëndësishme të mos supozojmë se asgjë nuk do të na ndodhë përsëri./Motilokal.com