Shkencëtarët në Kroaci besojnë se një gjendje e jashtëzakonshme duhet të futet në vend, duke paralajmëruar për rrezikun e shkretëtirëzimit, rritjen e nivelit të detit, thatësirat, përmbytjet dhe zjarret.

Duke iu referuar pjesës së parë të një raporti gjithëpërfshirës të Panelit Ndërkombëtar për Ndryshimet Klimatike (IPCC), ku më shumë se 550 shkencëtarë nga Kroacia theksuan në një mesazh qeverisë, parlamentit dhe Presidentit Zoran Milanović se vendi ka një gjurmë të madhe karboni për frymë dhe se duhet të marrë pjesën e saj të përgjegjësisë në një kontekst global.

Shkencëtarët për klimën në Kroaci, vunë në dukje se Mesdheu është një nga pikat e nxehta të botës dhe se ndryshimi i klimës tashmë ka sjellë thatësira më intensive dhe më të gjata, valë të nxehtit, zjarre, përmbytje dhe shqetësim të biodiversitetit detar dhe tokësor. Autoritetet në Kroaci nuk po bëjnë sa duhet, thotë letra e hapur, me një apel të përsëritur për futjen e një gjendjeje të jashtëzakonshme klimatike.

Kërcënimi i migrimit masiv nga Mesdheu

Sistemi klimatik minon mënyrën konvencionale të jetës dhe ndikon negativisht në bujqësinë, si dhe në shumë degë të ekonomisë, së bashku me shfaqjen e specieve invazive si mushkonja e tigrit, thuhet në njoftim. “Thatësira më të shpeshta dhe më afatgjata po parashikohen dhe ato priren të çojnë në shkretëtirëzim. Niveli i detit është dukshëm në rritje, gjë që tashmë po rrezikon deltën pjellore të lumit Neretva”, shtuan shkencëtarët dhe nënvizuan se bankat e investimeve projektojnë se do të ketë migrim të konsiderueshëm larg vendeve mesdhetare.

Kroacia duhet të krijojë një "staf të përgjithshëm shkencor të klimës" për transferimin e njohurive më të mira në politikën klimatike, thanë Shkencëtarët për Klimën dhe kërkuan "një transformim të drejtë, por të shpejtë dhe të vendosur" të energjisë dhe transportit pa favorizuar më asnjë zgjidhje të bazuar në lëndët djegëse fosile.

Niveli i detit tashmë është 20 centimetra më i lartë

Administrata Kombëtare e Aeronautikës dhe Hapësirës (NASA) e Shteteve të Bashkuara ka publikuar harta që tregojnë se niveli i Detit Adriatik mund të rritet me 20 centimetra në mesin e shekullit dhe 60 centimetra deri në vitin 2100. Në skenarin më të keq për 2150, niveli i deti përparon me më shumë se 150 centimetra.

Analiza e agjencisë tregon se niveli mesatar i detit u rrit me 20 centimetra në nivel global nga 1901 deri në 2018./Motilokal.com