Kjo javë ka nisur me temperatura të larta, të cilat do të jenë të tilla gjatë gjithë javës. Masat ajrore të nxehta me origjinë nga shkretëtira e Saharasë tashmë kanë depërtuar mbi Shqipëri, Kosovë dhe rajon. E si rrjedhojë dita e sotme ka regjistrua temperatura deri në 39 gradë Celsius në Gjirokastër dhe 37 gradë në Tiranë.

Më depërtimin e masave të nxehta nga Sahara, ka depërtuar edhe një sasi e lartë e grimcave të pluhurit dhe rërës. Cilësia e ajrit do të jetë e dobët për shkak të sasisë së lartë të këtyre grimcave si dhe do të krijojnë efektin serrë sa i përket temperaturave.

Për shkak të temperaturave të larta mbi 40 gradë Celsius që priten të regjistrohen nga mesjava e deri në fundjavë (kryesisht zonat e ulëta), këshillohet që të shmangni sa më shumë ekspozimit të diellit./Motilokal.com