Të paktën 91 persona kanë vdekur dhe shumë të tjerë janë zhdukur pas reshjeve të mëdha të shiut që çuan në përmbytje të mëdha në Gjermani.

Rhineland-Palatinate dhe North Rhine-Westphalia janë vendet më të prekura. Kancelarja Angela Merkel e ka cilësuar situatën një “katastrofë” ndërkohë qindra ushtarë janë angazhuar me forcat e kërkim-shpëtimit, shkruan Euronews.

Reshjet rekord në të gjithë Europën perëndimore kanë bërë që lumenjtë kryesorë si Ahr të dalin nga shtrati duke shkaktuar dëme të shumta. Gjithashtu edhe Belgjika, Holanda, Franca dhe Zvicra kanë raportuar përmbytje të shumta. Pjesë të Londrës përjetuan një muaj me shi, duke shkaktuar përmbytje të mëdha në të gjithë qytetin.

Kjo vjen pasi New York përjetoi përmbytje të ngjashme të ashpra të enjten e kaluar si rezultat i stuhisë Elsa, me metro dhe autostrada të përmbytura në të gjithë shtetin.

Ndërsa Amerika dhe pjesë të Europës po përjetojnë ndryshime të mëdha të klimës me temperatura rekord nga ana tjetër, shkencëtarët po shqetësohen gjithnjë e më shumë për të ardhmen e klimës në vitet e ardhshme

Si po ndikon ndryshimi i klimës te përmbytjet?

Përmbytjet janë rritur në mënyrë të konsiderueshme për shkak të ndryshimeve klimatike globale. Ndryshimet në gjeografinë e vendit gjithashtu luajnë një rol kyç në rritjen e përmbytjeve. Për shkak të ndryshimit të temperaturave, shumë nga masat natyrore parandaluese kundër përmbytjeve janë shkatërruar.

Temperaturat më të larta nënkuptojnë reshje më të larta shiu. Për Amerikën, qershori ishte muaji me temperaturat më të larta dhe si rezultat i kësaj vale nxehtësie, ne po përjetojmë temperatura më të larta të ajrit dhe ujit.

Me avullimin e shtuar vijnë reshjet, që zgjasin më shumë si edhe kanë intensitet dhe frekuencë më të lartë gjithashtu. Gjithashtu temperaturat po rriten në vendet e Hemisferën Veriore, të tilla si Amerika dhe Britania e Madhe, të cilat ka të ngjarë të përjetojnë ndryshime më të rëndësishme.

Si mund të parandalohen përmbytjet?

Megjithëse përmbytjet  mund të jenë të pakontrollueshme, ka disa hapa për të siguruar mbrojtjen e qyteteve.

Qytetet sfungjer

Përmes planifikimit  urban, qytetet kanë qenë në gjendje të përdorin hapësira të gjelbërta për të thithur ujin e tepërt të shiut duke ulur kështu rrezikun nga përmbytjet. Në Kinë, koncepti i ‘qyteteve sfungjer’ është shumë i njohur, pasi kopshtet ujitëse dhe fermat ndihmojnë në “eliminimin”  e ujit të tepërt.

Gjelbërimi i zonave urbane

Në Londër, menaxhimi i ujërave të zeza u bë një çështje problematike pas shpërthimit të tubave për shkak të përmbytjes. Në Europë, çatitë e gjelbërta janë një zgjidhje tjetër inovative për zvogëlimin e rrezikut nga përmbytja,  pasit ato thithin ujërat dhe në këtë mënyrë parandalojnë  tejmbushjen e ujërave të zeza.

Trotuaret e përshkueshme

Një nga problemet e reshjeve të shumta janë trotuaret pasi çimentoja nuk është në gjendje të thithë ujë. Zgjidhja për këtë është ndërtimi i trotuareve të përshkueshme, të cilat mund të thithin ujin dhe ta transferojnë atë në burime të tjera, siç janë hapësirat e gjelbërta urbane./Motilokal.com