Një ekip shkencëtarësh për klimën nga Qendra e Klimës së Gjysmëhënës së Kuqe të Kryqit të Kuq thanë kanë zbuluar se ndryshimi i klimës i shkaktuar nga njeriu bën që valët e nxehtësisë mund të ndodhin të paktën 150 herë më shumë.  

Temperaturat e fundit po kanë një ndikim të rëndë në miliona njerëz dhe duke vënë jetën në rrezik, paralajmëroi Federata Ndërkombëtare e Kryqit të Kuq dhe Gjysmëhënës së Kuqe (IFRC).

"Tani për tani, ne jemi dëshmitarë të rekordeve të nxehtësisë ndërsa temperaturat rriten, me pasoja të tmerrshme për miliona njerëz në të gjithë botën", tha Presidenti i IFRC Francesco Rocca, duke vënë në dukje se Kryqi i Kuq po përgatitet.

Kryqi i Kuq tha se valët e nxehtësisë rekorde të javës së kaluar në pjesë të SHBA-ve dhe Kanadasë do të kishin qenë "praktikisht të pamundura" pa ndikimin e ndryshimeve klimatike të shkaktuara nga njerëzit.

"Analiza zbuloi se ndryshimi i klimës i shkaktuar nga emetimet e gazeve serë e bëri valën e nxehtësisë të paktën 150 herë më shumë të ngjarë të ndodhte", thuhet në deklaratë.

Komunitetet në të gjithë globin po përpiqen të përballen me rritjen e temperaturave dhe frekuencës së valëve të nxehtësisë së bashku me zjarret, thatësira, rraskapitja e nxehtësisë dhe rreziqet e rënda shëndetësore të lidhura me nxehtësinë, tha Kryqi i Kuq.

"Rrjeti i Kryqit të Kuq dhe Gjysmëhënës së Kuqe nuk mund të luftojë e vetme ndikimin shkatërrues të krizës së klimës", shtoi Rocca.

"Duhet të ketë një përpjekje të bashkërenduar globale për t'u marrë me emergjencën e klimës, e cila përfaqëson kërcënimin më të madh për të ardhmen e planetit dhe njerëzve të tij."

Shoqatat Kombëtare të Kryqit të Kuq dhe Gjysmëhënës së Kuqe po punojnë me ata që goditen më shumë nga valët aktuale të nxehtësisë dhe ata që janë më të rrezikuarit nga rritja e temperaturave, përfshirë këtu të moshuarit, të pastrehët, njerëz me COVID-19 dhe me probleme shëndetësore, ata që jetojnë në zona të izoluara, refugjatët dhe emigrantët./Motilokal.com