Qipro ditët e fundit po përballet me zjarret e shumta që kanë dalë jashtë kontrollit për shkak të kushteve atmosferike. Deri më tani katër persona kanë humbur jetën dhjetëra të tjerë janë lënduar ndërsa banorët e disa fshatrave janë evakuuar nga vendbanimet e tyre.

Sipas njoftimeve nga autoritetet greke viktimat janë nga fshati Odos në provincën e Limasolit, të cilët kishin ngelur të bllokuar pas evakuimit të pjesës tjetër të banorëve.

Autoritetet në ishullin e Qipros kërkuan ndihmë ndërkombëtare për të përballur situatën e krijuar nga zjarret që për shumë është më e vështira në histori.

Qipro ka përjetuar një valë nxehtësie gjatë një jave, me temperatura që arrijnë deri në 40 gradë Celsius.

Flakët, të ndihmuara dhe nga era e fortë janë përhapur me shpejtësi në distriktin jugor të Limassolit duke detyruar evakuimin e qindra banorëve. Dëmet materiale raportohet të jenë shumë të mëdha, por fatmirësisht deri në këto momente nuk ka asnjë fatalitet.

Ekspertët thonë se ndryshimi i klimës pritet të rrisë frekuencën e ngjarjeve ekstreme të motit, të tilla si valët e nxehtësisë. Sidoqoftë, lidhja e çdo ngjarjeje të vetme me ngrohjen globale është e komplikuar./Motilokal.com