Alyssa Carson e ka dashur hapësirën që kur ishte fëmijë. Tani, vetëm 20 vjeç, ajo ka vendosur që të bëhet personi i parë që pritet të zbarkon në Mars.

Plani është që në vitin 2033, kur Alyssa duhej të jetë 32 vjeçe, të vërë këmbën në planetin e kuq.

Aty ajo do qëndrojë për eksperimente shkencore dy deri në tre vjet, për të gjetur shenja jete.

Tashmë NASA është duke punuar intensivisht me vajzën në mënyrë që të përgatiten për misionet e ardhshme.

Thuhet se ajo është magjepsur me universin që në moshën 3-vjeçare.

Kur po rritej, Alyssa i pëlqente shumë kampet hapësinore. Në vitin 2014, ajo ishte personi i parë ndonjëherë që përfundoi "Programin e Pasaportave të NASA-s" duke vizituar secilën nga katërmbëdhjetë qendrat e vizitorëve të NASA-s në nëntë shtete.

Alyssa kënaqej të udhëtonte nëpër botë ndërsa mësonte për pasionin e saj numër një dhe takohej me njerëz nga vende të ndryshme.

Pra ... si bëhesh në të vërtetë një astronaute?

Përgjigje e shkurtër: Në fakt është një fushë super konkurruese për të hyrë dhe duhet shumë punë e vështirë, por është e mundur, sipas Alyssa.

"Për të qenë në gjendje të aplikoj në të vërtetë si astronaut, kam nevojë për një diplomë master dhe pastaj një përvojë pune. Është një konkurrencë mjaft e vështirë, mendoj. Por gjithashtu, ka shumë gjëra për t'u mbajtur parasysh kur aplikoni.

"Në mënyrë tipike, si 18,000 njerëz që aplikojnë, dhe vetëm rreth 12 deri në 20 njerëz zgjidhen."

Të punosh në industrinë hapësinore është mjaft e vështirë, por nëse je i apasionuar dhe dëshiron të përfshihesh, ekzistojnë një sërë mundësish të mëdha si aspekti i psikologjik, ushqimi etj.

Pothuajse 90 për qind e astronautëve janë meshkuj dhe Alyssa dëshiron që më shumë gra, veçanërisht gratë e reja, të shkojnë në industrinë hapësinore.

"Unë isha duke biseduar me një grup vajzash të shkollës së mesme, dhe njëra prej tyre tha: "Hej, unë e dua shkencën e hapësirës, por gjithashtu e dua modën, a mund të krijoj kostume hapësinore?" [Dhe përgjigjja ime ishte] natyrisht që mundeni, kjo është padyshim diçka në të cilën mund të futeni, mbase duke bërë një kostum tjetër hapësinor të modës të së ardhmes. Kostumet hapësinore që SpaceX kohët e fundit filloi të përdorte ishin në të vërtetë të dizajnuara nga dikush që zakonisht dizenjoi kostume superhero."/Motilokal.com