Komiteti Teknik i Ekspertëve është mbledhur sot për të njoftuar rreth masave të reja kundër COVID-19 në Shqipëri.

“Komiteti mendon se ka vend për lehtësim të masave, duke filluar nga 1 qershori do të hiqet detyrimi për mbajtjen e maskës mbrojtëse në ambientet e jashtme, por do vijojë të mbahet në ambientet e brendshme dhe transport publik. Ora policore nga 22:00 do të kalojë më 1 qershor në 23:00”, thuhet në njoftim.

Masat e lehtësuara:

Nga 1 Qershori:

Hiqet detyrimi për mbajtjen e maskës mbrojtëse në ambientet e jashtme.

Do vijojë të mbetet detyrimi i mbajtjes së maskës në ambientet e mbyllura si dhe në mjetet e transportit publik.

Rekomandohet mbajtja e maskës kudo ku nuk mund të ruhet distancimi social si edhe për ata që ende nuk kanë bërë dy dozat e vaksinës që konsiderohen persona në risk.

Ora policore shtyhet në orën 23:00-06:00.

Klubet e natës, diskot, vijojnë të mbeten të mbyllura. Muzika do lejohet deri në orën 22:00./Motilokal.com