Roboti i NASA-s që tashme ndodhet në Mars ka nisur një mision të ri. Agjencia Hapësinore ka bërë të ditur se pas përfundimit të testeve fluturuese të helikopterit të vogël Ingenuity, tashmë roboti do të kërkojë për shenja që mund të sugjerojnë se dikur Planeti i Kuq ka qenë i banueshëm.

NASA ka konfirmuar se roveri ka nisur tashmë të studiojë liqenin e lashtë në Kraterin Jezero duke i fokusuar instrumentet e tij shkencore në shkëmbinjtë, shkruan Daily Mail.

Një kamerë që mban emrin WATSON është e vendosur në fund të krahut robotik të sondës dhe po shkrep foto të detajuara të shkëmbinjve.

Kujtojmë se me 18 shkurt roboti i NASA-s mbërriti në sipërfaqen e Planetit të Kuq.

Misioni i parë ishte testimi i instrumenteve të tij si dhe regjistrimi dhe transmetimi i të dhënave të fluturimit të helikopterit Ingenuity. Tashmë roveri ka nisur një mision të ri, më shkencor./Motilokal.com