Shpërthimi i një vullkani në Karaibe ka mbuluar ishullin e Shën Vincentit nga hiri dhe tymi. Vullkani “La Soufrière”, i cili ka qenë në gjumë për dekada, tregoi për herë të parë aktivitetin vullkanik në dhjetor duke u shtuar këtë javë.

Të enjten vonë, kryeministri Ralph Gonsalves u kërkoi më shumë se 16 000 banorëve në zonat e ashtuquajtura të kuqe, të evakuoheshin urgjentisht.

Vullkani që atëherë ka re hiri të errët në ajër në një rreze prej 6 km.

Shenja e parë që një shpërthim ishte i afërt erdhi të enjten në mbrëmje, kur një kupolë llave u pa papritur në La Soufrière.

Mëngjesin e së premtes sizmologët konfirmuan se një “shpërthim vulllkani” ishte në proces.

Shpërthimet bënë që qeveria të evakuojë menjëherë rreth 16,000 banorë që jetojnë në zonën e kuqe pranë vullkanit. Sipas drejtores së Qendrës së Kërkimit Sizmik të Universitetit West Indies, mund të ndodhin sërish shpërthime të cilat nuk dihet nëse do të jenë më të fuqishëm apo më të dobët se i pari.

Vullkani i fundit në këtë zonë ka shpërthyer në 1979 dhe një shpërthim i mëparshëm në 1902 i cili i mori jetën 1600 njerëzve./Motilokal.com