Tërmetet, të shoqëruar nga cuname, por edhe ciklonet e vazhdueshme kanë bërë që banorët në Indonezi të mos flenë asnjëherë të qetë.

Së fundmi, ky shtet është goditur nga cikloni tropikal “Seroja”, i cili deri tani u ka marrë jetën të paktën 157 personave. Cikloni ka shkaktuar përmbytje të mëdha, si dhe erozion të tokën. Pamjet e publikuara së fundmi janë me të vërtetë dramatike.

Sipas Agjencisë së Katastrofave Natyrore, 125 milionë njerëz, gjysma e popullsisë së arkipelagut, jetojnë në zona ku ekziston rreziku i rrëshqitjeve të tokës.

Nga ana tjetër, numri i vdekjeve u rrit në 27 pas përmbytjeve në Dili, kryeqytetin e Timorit Lindor, një nga vendet fqinje të Indonezisë, dhe provincat fqinje.

Sipas lajmeve në Antara, agjencinë kombëtare të Indonezisë, pas katastrofës së përmbytjes që filloi dje, mijëra njerëz u evakuuan nga shtëpitë e tyre dhe u vendosën në zona të sigurta.

Po ashtu raportohet se gjashtë nga të vdekurit si pasojë e përmbytjeve ishin fëmijë./Motilokal.com