Aktori me famë botërore, Leonardo Dicaprio po vazhdon të bëjë thirrje për lumin Vjosa në Shqipëri duke kërkuar që të mbrohet ky lum siç e quan ai “zemra kaltër e Europës”.
Ai ka ngritur sërish zërin për mbrojtjen e lumit Vjosa nga ndërtimi i hidrocentraleve.
Dicaprio në profilin e tij në Instagram ka publikuar dokumentarin “Vjosa Forever” që bën thirrje për bashkim në luftën për të ardhmen e lumit, aktori i njohur apelon qytetarët të firmosin peticionin për të shmangur katastrofën mjedisore që mund të ndodh.
“Lumi Vjosa i Shqipërisë është lumi më i madh i egër në Europë. Nga malet e Greqisë deri në Detin Adriatik në Shqipëri, ai shtrihet në 300 kilometra, plotësisht i lirë nga barrierat artificiale, si digat e hidrocentraleve. Lumenjtë dhe përrenjtë që janë degë të Vjosës janë shtëpia e më shumë se 1.100 specieve të botës së egër, shumë prej të cilave janë të kërcënuara.
Vjosa është kurora e #BlueHeartofEurope dhe njerëzit në të gjithë Shqipërinë duan ta mbrojnë atë përgjithmonë. Ata po i kërkojnë qeverisë së Shqipërisë për të krijuar #VjosaNarkParkNow, i cili do të ishte parku i parë i lumit të egër në Europë. Le të qëndrojmë me ta. Klikoni në bio për të parë filmin dhe nënshkruar peticionin”, ka shkruan ai./Motilokal.com
