Kina dhe Rusia kanë njoftuar planet e tyre për ndërtimin e stacionit të parë hënor.

Agjencia Ruse e Hapësirës Roscosmos njoftoi se ka nënshkruar një memorandum me Administratën Kombëtare të Hapësirës së Kinës, për të zhvilluar pajisje kërkimore në sipërfaqen e hënës, në orbitë ose në të dyja.

Një deklaratë nga agjencitë hapësinore të të dy vendeve thotë se, ajo do të jetë në dispozicion për t’u përdorur nga kombet e tjera.

Ky njoftim vjen ndërsa Rusia përgatitet të festojë 60-vjetorin e fluturimit të saj të parë hapësinor me njerëz.

Rusia dhe Kina do të bashkëpunojnë në planifikimin, hartimin, zhvillimin dhe funksionimin e stacionit të kërkimit. Asnjëra nga agjencitë nuk ka përmendur kohën apo shumat e investuara./Motilokal.com