Puna për ndërtimin e 'hotelit të parë hapësinor' në botë pritet të fillojë në vitin 2025. Hoteli do të jetë i pajisur me restorante, një kinema, banjë dhe dhoma me një kapacitet prej 400 personash.

I zhvilluar nga Orbital Assembly Corporation (OAC), Stacioni Voyager mund të jetë operacional që në vitin 2027, me infrastrukturën e ndërtuar në orbitë rreth Tokës.

Stacioni hapësinor do të jetë një rreth i madh dhe do të rrotullohet për të gjeneruar gravitet artificial që do të vendoset në një nivel të ngjashëm me gravitetin që gjendet në sipërfaqen e Hënës. 

Hoteli Voyager Station do të përfshijë shumë nga tiparet që mund të prisni nga një anije udhëtimi, duke përfshirë restorante, një banjë shëndetësore dhe një kinema.

Voyager Class do të përbëhet nga një seri unazash, me një numër ‘modulesh’ të bashkangjitur në pjesën e jashtme të tyre.

Disa nga këto 24 module do të përfshijnë një palestër, kuzhinë, restorant, bar dhe pajisje të tjera thelbësore për njerëzit.

Nëse realizohet plotësisht, do të jetë objekti më i madh i krijuar ndonjëherë nga njeriu në hapësirë.

Agjencitë mund ta përdorin stacionin si një qendër trajnimi për astronautët që përgatiten të shkojnë në Mars.  

Asnjë detaj i kostos për të ndërtuar stacionin hapësinor, ose kostoja e kalimit të një nate në hotel nuk janë zbuluar, edhe pse OAC thotë se kostot e ndërtimit po bëhen më të lira falë automjeteve të ripërdorshme të lëshimit si SpaceX Falcon 9 dhe Starship i ardhshëm./Motilokal.com