Një dhëmb nga një mamuth që endet në stepën siberiane më shumë se një milion vjet më parë ka dhënë sekuencën më të vjetër të ADN-së në botë.

Është hera e parë që ADN-ja është rikuperuar dhe mendohet të jetë e vjetër më shumë se një milion vjet. Më parë, mostra më e lashtë e ADN-së ishte nga një kalë që jetoi midis 560,000 dhe 780,000 vjet më parë.

Një ekip studiuesish nxorën ADN-në nga tre ekzemplarë mamuthësh që u gërmuan në vitet 1970. Gjenomet antike mendohet të jenë të vjetra midis 1.3 milion dhe 1.65 milionë vjet, thuhet në studim.

"Kjo ADN është tepër e vjetër. Mostrat janë një mijë herë më të vjetra sesa mbetjet e Vikingut dhe madje para-datojnë ekzistencën e njerëzve dhe Neandertalëve", tha Love Dalen, një profesor i gjenetikës evolucionare në Qendrën për Paleogjenetikën në Stokholm.

Dhëmbi më i vjetër mamuth daton në mes 1.2 milion dhe 1.65 milion vjet më parë. Vlerësimi më i ri vjen nga një metodë e njohur si biostratigrafi, ku shkencëtarët vlerësojnë praninë e brejtësve të vegjël që gjenden në shtresat e sedimentit - specie që ekzistonin vetëm gjatë periudhave të caktuara kohore./Motilokal.com