Momenti i së vërtetës ka arritur për roverin e “Këmbënguljes” së Agjencisë Amerikane të Hapësirës (NASA)

Roboti me gjashtë rrota po i afrohet shpejt Marsit pas një udhëtimi shtatë muajsh, 470 milionë kilometra nga Toka për atë që padyshim do të jetë pjesa më sfiduese e misionit të tij.

Duhet të vendoset në mënyrë të sigurt në Planetin e Kuq - një detyrë që ka turbulluar kaq shumë anije kozmike para tij.

Por nëse “Këmbëngulja” është e suksesshme, ajo ka një mundësi të mrekullueshme për të gjetur shenja të jetës në Mars.

Rover Perseverance i NASA-s po bëhet gati që të bëjë zbritjen e tij në sipërfaqen e “Marsit”, rreth orës 22:00 me kohën tonë.

SUV me gjashtë rrota, i njohur gjithashtu me pseudonimin “Percy”, është pak më i madh dhe më i rëndë se rover “Curiosisy” që ende studion Marsin. SUV ka instrumente shkencorë më të përparuar, të aftë për eksperimente më ambicioze, duke qenë se deri më tani ai mund të konsiderohet si  laboratori më i përparuar i astrobiologjisë i dërguar ndonjëherë në një trup tjetër qiellor.

Pritet që ulja e “Këmbënguljes”, të bëhet në Kraterin e madh Jezero, dikur një liqen antik ku format e jetës mendohet të kenë ekzistuar miliarda vjet më parë, kur Marsi ishte më i ngrohtë, më i lagësht dhe ndoshta më mikpritës.

Ndër të tjera, rover ka një pajisje eksperimentale që do të shndërrojë dioksidin e karbonit në atmosferën marsiane në oksigjen të pastër, si dhe një mini stacion moti.

Në pajisje janë instaluar 19 kamera dhe dy mikrofona që do të regjistrojnë tingujt e parë marsianë. Gjithashtu pritet që Rover të lëshojë “Ingenuity”, një helikopter i vogël robotik me peshë 1.8 kg, i pari në histori që do të fluturojë në një botë tjetër.

“Këmbëngulja” është rover i pestë që SHBA dërgon në Mars. Dy anije të tjera, një nga Emiratet e Bashkuara Arabe dhe një nga Kina , gjithashtu mbërritën në Mars në shkurt. Anija arabe “Hope” tashmë është lëshuar në orbitë, ndërsa kinezët po përgatiten të dërgojnë roverin e saj robotik, i cili do të jetë i pari për Kinën në planetin fqinj./Motilokal.com