Drejtoresha e Drejtorisë së Shërbimeve Publike, Mbrojtjes dhe Shpëtimit në Komunën e Prishtinës, Medina Braha, ka reaguar pas kritikave për moslargimin e borës nga rrugët e kryeqytetit.
Braha ka thënë se mirëmbajtja e rrugëve dhe trotuareve është bërë pa ndërprerë gjatë tërë ditës e natës së djeshme dhe po vazhdon edhe sot.
Postimi i plotë:
Mirëmbajtja e rrugëve dhe trotuareve është bërë pa ndërprerë gjatë tërë ditës e natës së djeshme dhe po vazhdon edhe sot.
Kemi qenë vazhdimisht në koordinim me KKZ duke lehtësuar shpërndarjen e materialeve në vendvotimet brenda komunës sonë. Veçanërisht asistim më i madh është ofruar në pjesët rurale ku reshjet kanë qenë më të mëdha. Materiali i nevojshëm për votim ka arritur me kohë në të gjitha vendvotimet atje. Njëjtë, asistimin e nevojshëm do ia ofrojmë KKZ edhe pas mbylljes së vendvotimeve.
Kemi të angazhuar 6 operatorë për pjesën urbane dhe 3 për atë rurale.
Mirëpo, me këto temperatura të ulëta ndikimi i kripës është minimal. Erërat e konsiderueshme po ashtu e vështirësojnë gjendjen sepse e bartin një pjesë të borës së larguar përsëri në rrugë. Prandaj, bëjmë thirrje për kujdes të shtuar në trafik dhe respektim të rregullave për vozitje në dimër./Motilokal.com
