Një valë të ftohti ka përfshirë Britaninë e Madhe, me vendin që shënoi mbrëmjen e djeshme ditën më të ftohtë në 26 vitet e fundit, ku termometri arriti në disa zona deri në -23 gradë Celsius.
Rrugë të bllokuara, ndërprerje energjie, por edhe pamje mahnitëse nga stina e dimrit mund të shihen në fotogalerinë e mëposhtme.
Dhe megjithatë e keqja duket se ende nuk ka ardhur me meteorologët që parashikojnë që moti do të vijojë të përkeqësohet dhe temperaturat do të ulen më tej në ditët në vijim.
Paralajmërime portokalli janë dhënë për disa zona ku bora dhe akulli mund të shkaktojnë probleme të qarkullimit.
Stuhia “Darcy” ka mbuluar rajone të tëra të Britanisë, por nuk ka kursyer as zona të tjera të Europës Perëndimore. Parisi u gdhi i mbuluar nga bora, ndërsa në Normandi prej saj u shënuan disa aksidente rrugore. 23 njësi të mbrojtjes civile në Britani janë vënë në gjendje gatishmërie, ndërsa zona përgatitet për reshje të dendura dëbore./Motilokal.com
