Shumë skuadra zjarrfikësish të guximshëm po luftojnë zjarret pyjore në Australi që kanë përshirë rrethinat e qytetit të Perth, të izoluar nga koronavirusi.

Sipas raportimeve të mediave, zjarre të shtyrë nga erërat e forta kanë shkatërruar deri tani 70 shtëpi, duke detyruar evakuimin e shumë familjeve.

Rreth 200 zjarrfikëse shkuan në terren për të izoluar flakët, të cilat janë shtrirë në afro 80 kilometra katrorë dhe kanë djegur më shumë se 8 mijë hektarë pyje

Autoritetet kanë këshilluar qytetarët të lëvizin në vende të sigurta, edhe pse kjo do të thyente  karantinën, pasi zona është e izoluar për shkak të COVID-19.

Ndërkohë kryeministri i vendit e ka cilësuar situatën shqetësuese dhe serioze pasi vendi po përballet me dy emergjenca, pandeminë dhe zjarret.

Moti i nxehtë dhe i thatë i ditëve të fundit ka ndihmuar në përhapjen e flakëve./Motilokal.com