Një leopard jashtëzakonisht i rrallë i zi është parë në një park të jetës së egër në Indi ndërsa përpiqej të gjuante një dre, dhe u kap në një seri fotografish nga vetëm 30 metra larg.

Fotografi i jetës së egër Anurag Gawande u ndesh me leopardin me gjendjen melanike të lëkurës teksa ishte në një safari në Parkun Kombëtar Tadoba në shtetin perëndimor të Maharashtra.

Leopardë të tillë janë shumë të rrallë dhe çmohen nga gjuetarët ilegalë prej pellushit të tyre të zi, ndërsa leopardi mashkull në foto është nga më të rrallët e llojit të tij teksa pullat e zeza dallohen në lekure.

Fotografi 24-vjeçar tha se ishte vetëm 30 metra larg leopardit kur e dalloi atë, duke shtuar se kishte qenë duke gjuajtur një dre kur grupi i tij safari u ndesh me macen e rrallë.

Leopardët e zinj, të njohur gjithashtu si pantera të zeza, kanë gjendje melanike të lëkurës, që do të thotë se nuk ruajnë ngjyrat e pëllushit të prindërve të tyre.

Rreth 11 për qind e leopardëve kanë këtë pigmentim unik, që i bën mjaft të rrallë për t’i parë.

Fotografi thotë se ka parë një leopard të tillë vetëm një vit më parë: “Kjo është hera e dytë që shikoj një të tillë, ndjeva të njëjtin emocion si atëherë. Ne ruajtën distancë me makinën tonë për të mos e shqetësuar. Ishim duke ndjekur një tigër në liqenin e Tadoba por më pas dëgjuam klithjen e një dreri dhe pamë leopardin e zi që po e ndiqte. Ai nuk arriti ta vriste drerin dhe më pas iu kthye përsëri në rrugë, ku dhe bëmë fotot e mrekullueshme të kafshës”.

Ky lloj pigmentimi ndodh në një numër speciesh, duke përfshirë dhe familjen e ‘panterave’ siç janë xhaguarët.

Leopardët indianë janë listuar si një specie e rrezikuar prej humbjes së habitatit dhe gjuetisë ilegale. Rreth 12,000 deri në 14,000 besohet të kenë mbetur prej tyre në Indi./Motilokal.com