Qindra zogj kanë ngordhur pas fishekzjarrëve në kryeqytetin italian për natën e Vitit të Ri, bën të ditur grupet për të drejtat e kafshëve, duke e quajtur atë një "masakër".

Pamjet e rrugëve pranë stacionit kryesor të trenit në Romë treguan dhjetëra zogj të shpërndarë pa jetë në tokë.

Shkaku i ngordhjes nuk ishte i qartë, por Organizata Ndërkombëtare për Mbrojtjen e Kafshëve tha se ajo ka të ngjarë të ketë lidhje me zhurmën e madhe të fishekzjarrëve në një lagje me shumë pemë në të cilat shumë zogj përdorin për të folezuar.

“Mund të kenë ngordhur nga frika. Duke fluturuar kanë goditur njërin-tjetrit, ose janë përplasur nëpër dritare apo linjat e energjisë elektrike. Le të mos harrojmë se ata gjithashtu mund të ngordhin nga sulmet në zemër”, tha Loredana Diglio, një zëdhënëse e organizatës.

Fishekzjarrët çdo vit shkaktojnë shqetësime dhe dëmtime si të kafshëve të egra ashtu edhe të shtëpive, vuri në dukje ajo.

Një numër jashtëzakonisht i madh zogjsh ngordhën në Romë vitin që lamë pas, pavarësisht nga ajo se kryeqyteti italian që ndalon qytetarët të ndezin fishekzjarr, të cilat ata kryesisht nuk i përfillën, dhe pavarësisht nga ora policore që është në fuqi nga 20:00 e mbrëmjes.

Dega e Organizatës Ndërkombëtare për Mbrojtjen e Kafshëve në Itali bëri thirrje për vendosjen e ndalimeve në shitjen e fishekzjarrëve për përdorim personal, për shkak të kërcënimeve që ato paraqesin ndaj kafshëve./Motilokal.com