Një tërmet i fortë ka goditur Kroacinë qendrore të martën, duke shkaktuar dëme të konsiderueshme në shtëpitë dhe ndërtesat në juglindje të Zagrebit. Një burrë dhe një djalë u nxorën të gjallë nga një veturë e varrosur nën rrënoja dhe u dërguan në një spital.

Qendra Sizmologjike Mesdhetare Europiane tha se një tërmet me madhësi 6.3 goditi 46 kilometra në juglindje të Zagrebit. Raportet fillestare thanë se tërmeti shkaktoi dëme të mëdha, çatitë e shembura, fasadat e ndërtesave dhe madje edhe disa ndërtesa të tëra.

E njëjta zonë u godit nga një tërmet 5.2 të hënën dhe disa tërmete më të vogla u ndjenë të martën.

Televizioni rajonal N1 raportoi drejtpërdrejt të martën nga qyteti i Petrinja, i cili ishte goditur rëndë nga tërmeti i së hënës.

Në Petrinja, rrugët janë mbushur me tulla dhe pluhur të rënë dhe shumë shtëpi u shkatërruan plotësisht. Ushtria kroate u vendos në Petrinja për të ndihmuar në operacionin e shpëtimit.

Sizmologu kroat Kresimir Kuk e përshkroi tërmetin si "jashtëzakonisht të fortë", shumë më të fortë se një tjetër që goditi Zagrebin dhe zonat përreth në pranverë. Ai paralajmëroi njerëzit që të rrinin larg ndërtesave të vjetra potencialisht të lëkundshme dhe të zhvendoseshin në zonat më të reja të qytetit për shkak të lëkundjeve të mëpasshme.

Tërmeti i së martës u ndje në të gjithë vendin dhe në Serbinë, Bosnjën fqinje, madje u ndje deri në Graz të Austrisë, njoftoi Agjencia e Lajmeve Austria./Motilokal.com