Tani që vaksinat e koronavirusit kanë filluar të përhapen në SHBA. dhe jashtë saj, shumë njerëz kanë filluar të ëndërrojnë ditën kur do mund të udhëtojnë përsëri, apo edhe të shkojnë përsëri në kinema, etj. Por, për të bërë këto aktivitete, përfundimisht mund t’ju duhet diçka përveç vaksinës: një aplikim për pasaportë vaksine.

Disa kompani dhe grupe të teknologjisë kanë filluar zhvillimin e aplikacioneve për smartphone, mënyrë që për individët të ngarkojnë detaje të testeve dhe vaksinimeve të tyre kundër COVID-19. Ata krijojnë letra kredenciale, që mund të shfaqen për të hyrë në koncerte, stadiume, kinema, zyra, apo edhe për të lëvizur nga një vend në tjetrin.

“The Common Trust Network”, një projekt me bazë në Gjenevë dhe në bashkepunim me Forumin Ekonomik Botëror ka partneritet me disa kompani ajrore.

Aplikacioni ‘CommonPass’ lejon përdoruesit të ngarkojnë të dhëna mjekësore të tilla si një rezultat i testit Covid-19 ose, një provë e vaksinimit nga një spital ose profesionist mjekësor, duke gjeneruar një certifikatë shëndetësore ose të kalojë në formën e një kodi QR që mund t’u tregohet autoriteteve pa zbuluar informacione personale.

Sa i përket udhëtimeve aplikacioni bën të mundur shfaqjen e pasaportës shëndetësore në pikat e nisjes dhe mbërritjes, bazuar në itinerarin tuaj.

“Ju mund të testoheni sa herë që kaloni një kufi, por nuk mund të vaksinoheni sa herë që e kaloni atë”, tha për CNN Business, Thomas Crampton, drejtori kryesor i marketingut dhe komunikimit për Projektin ‘Commons’.

Në një përpjekje për të adresuar një sfidë rreth kthimit në normalitet pasi vaksinat janë shpërndarë gjerësisht, zhvilluesit tani mund të duhet të përballen me sfida të tjera, duke filluar nga çështjet e privatësisë deri te përfaqësimi i efektivitetit të larmishëm të vaksinave të ndryshme. Por sfida më e shpejtë mund të jetë thjesht shmangia e zbatimit të shkëputur dhe suksesit të përzier të përpjekjes së mëparshme të teknologjisë për të adresuar krizën e shëndetit publik: aplikacionet për gjurmimin e kontakteve.

Në fillim të pandemisë, Apple (AAPL) dhe Google (GOOG) lanë mënjanë rivalitetin e tyre të smartphone-ve për të zhvilluar së bashku një sistem të bazuar në Bluetooth për të njoftuar përdoruesit nëse kishin qenë të ekspozuar ndaj dikujt me COVID-19. Shumë vende dhe qeveri shtetesh në botë gjithashtu zhvilluan dhe përdorën aplikacionet e tyre.

Për të inkurajuar një koordinim më të mirë kësaj radhe, Fondacioni Linux ka bashkëpunuar me Iniciativën Credidials COVID-19, një kolektiv prej më shumë se 300 personash që përfaqësojnë dhjetëra organizata në pesë kontinente dhe po punon gjithashtu me “CommonPass” për të ndihmuar zhvillimin e një sërë standardesh universale për aplikacionet e kredencialeve të vaksinave.

"Nëse jemi të suksesshëm, duhet të jeni në gjendje të thoni se keni certifikatë vaksine në telefonin tuaj që e morët kur u vaksinuat në një vend, me një grup të plotë të llojeve të veta të praktikave të menaxhimit shëndetësor, që e përdorni për të hipur në një avion për në një vend krejtësisht të ndryshëm dhe më pas prezantojhet në atë vend të ri një letër kredenciale në mënyrë që të mund të shkoni në koncert në mjedis të mbyllur për të cilin pjesëmarrja ishte e kufizuar në ata që kanë demonstruar se janë vaksinuar", ka thënë Brian Behlendorf, drejtori ekzekutiv i fondacionit “Linux”.

Një pjesë e sigurimit të përdorimit të gjerë për pasaportat e vaksinave është llogaria e nëngrupit të madh të popullsisë globale që ende nuk përdor ose nuk ka qasje në “smartphone”. Disa kompani brenda iniciativës “Credidials COVID-19”, po zhvillojnë gjithashtu një kartë inteligjente që gjen një rrugë të mesme midis certifikatave tradicionale të vaksinave të letrës dhe një versioni online që është më i lehtë për tu ruajtur dhe riprodhuar.

Sapo të ndërtojnë një pasaportë vaksine, kompanitë do të duhet të sigurohen që njerëzit janë të qetë duke e përdorur atë. Kjo do të thotë të përballeni me shqetësimet në lidhje me trajtimin e informacionit mjekësor privat. CommonPass dhe fondacioni Linux kanë theksuar të gjithë privatësinë si thelbësore për iniciativat e tyre Ndryshimi mund të jetë i gjerë, vaksina e zhvilluar nga gjiganti farmaceutik shtetëror kinez “Sinopharm”, për shembull, ka një efikasitet prej 86% ndaj COVID-19, ndërsa vaksinat e bëra nga "Pfizer" dhe "Moderna" secila kanë një efikasitet prej rreth 95%.

Ndërsa një aplikacion për pasaportë vaksine do të tregojë se e keni marrë vaksinën, nuk mund të jetë një garanci që ju të merrni pjesë në mënyrë të sigurt në një ngjarje ose të udhëtoni. Ne ende nuk e dimë nëse njerëzit e vaksinuar mund të transmetojnë infeksion apo jo.

Megjithatë parashikohet që përdorimi dhe miratimi i pasaportave të vaksinave do të ndodhë shpejt sapo gjithçka të vihet për vije dhe pritet që një larmi aplikacionesh që mund të punojnë me njëri-tjetrin të jenë gjerësisht të disponueshme brenda gjysmës së parë të 2021./CNN/Motilokal.com