Agjencia për Mbrojtjen e Mjedisit të Kosovës (AMMK), ka bërë të ditur se po vazhdon monitorimi i gjendjes së llojeve të faunës së egër në Parkun Kombëtar “Sharri”.

Monitorimi përmes kamerave kurth që nga fillimi i tij ka ofruar informacione të vlefshme për praninë e disa llojeve të rralla në territorin e këtij parku.

Në kuadër të aktiviteteve të rregullta për monitorimin dhe inventarizimin e biodiversitetit në zonat e mbrojtura të natyrës, zyrtarët e DAPK “Sharri” përmes kamerave kurth të vendosura në disa zona monitoruese kanë konstatuar praninë e disa llojeve të gjitarëve si: Dhia e egër (Rupicapra rupipacra), Ari i murrmë (Ursus arctos), Kaprolli (Capreolus capreolus), dhelpra (Vulpes vulpes) dhe Derri i egër (Sus scrofa).

“Kamerat kurth të vendosura të deri me tani kanë siguruar të dhëna të besueshme për praninë e shtazëve të egra në Parqet Kombëtare dhe kanë dëshmuar praninë e llojeve të rralla dhe  gjendjen konstante të popullatave të tyre”, njofton AMMK./Motilokal.com