Një çafkë dukej sikur është duke qëndruar mbi ujë përderisa po gjuante peshk, por në fakt po mbahej në kuriz nga një hipopotam i zhytur.

Touristja Michelle Slater e cila bëri fotot ne parkun Kruger ne Afriken e Jugut, tha se kishte parë çafkën që ulej nga fluturimi në ujë, dhe më pas nisi të ngrihej gradualisht bashkë me hipopotamin që dilte në sipërfaqe.

Ajo tha: “Ne ishim ulur në Sunset Dam duke parë hipopotamët, kur një çafkë gri erdhi në fluturim dhe u ul saktësisht mbi shpinën e hipopotamit. Shpendi i zgjuar po qëndronte mbi të teksa hipopotami kryente ‘nevojat personale’ në ujë”.

Ajo tregoi se çafka nisi të ndiqte lëvizjet e peshqve dhe me goditjen e parë të sqepit të fuqishëm kapi gjahun e saj.

“Më pas nisi të lëvizte rrotull me peshkun në sqep, sikur donte t’i tregonte hipopotamit kapjen e saj”, tha turistja që kapi çafkën mbi hipopotam.

Hipopotamët peshojnë rreth 3500 kg dhe janë kafsha më e rëndë tokësore pas elefantit./Motilokal.com