Një vit më parë në fjalimin e tij në Unionin e Universitetit të Oksfordit, legjendari Stephen Hawking shpalli që njerëzimi mund të mbijetojë vetëm për 1000 vjet të tjera.

Ja si mund të dukej bota pas 1 mijë viteve.

1. Nanoteknologjia do të zgjidhë krizën e energjisë dhe ndotjes.

1000 vjet nga tani, nanoteknologjia do të jetë në gjendje të pastrojë dëmtimin e mjedisit, të pastrojë ujin dhe ajrin dhe të përdorë energjinë e Diellit. Materialet e reja do t’i përgjigjen nevojës për teknologji të re për ruajtjen e energjisë miqësore me mjedisin dhe më efikase.

2. Ndërtesat do të mblidhen dhe çmontohen sipas komandës.

Në të ardhmen, njerëzit ka të ngjarë të jenë në gjendje të krijojnë një botë virtuale rreth tyre, duke përdorur konceptin e mjegullës së dobishme. Ideja për mjegullën e dobishme u prezantua nga Dr. Hall dhe përfaqëson një material polimorf të përbërë nga triliona "robotë" mikroskopikë të ndërlidhur që në thelb mund të krijojnë çdo formë.

3. Ne të gjithë do të flasim të njëjtën gjuhë globale.

Faktori kryesor që ka shumë të ngjarë të çojë në një gjuhë universale është modernizimi i gjuhëve. Gjuhëtarët parashikojnë që 100 vjet nga tani 90% e gjuhëve do të zhduken për shkak të migrimit dhe ato që do të mbeten do të thjeshtësohen.

4. Shuarja masive është në rrugë e sipër.

Shuarja e fundit masive zhduku dinosaurët nga faqja e Tokës. Një studim i fundit zbuloi se shkalla e zhdukjes për speciet në shekullin e 20-të ka qenë deri në 100 herë më e lartë se sa do të kishte qenë normale pa ndikimin e njeriut. Sipas disa shkencëtarëve, vetëm tkurrja graduale e popullsisë njerëzore mund të ndihmojë civilizimin të vazhdojë.

5. Njerëzit do të bëhen cyborg.

Makineritë tashmë mund të rrisin dëgjimin dhe shikimin njerëzor. Shkencëtarët dhe inxhinierët po zhvillojnë sytë bionikë për të ndihmuar njerëzit e verbër të shohin. Në 1000 vjet nga tani, bashkimi me teknologjinë mund të jetë mënyra e vetme për njerëzimin për të konkurruar me Inteligjencën Artificiale.

Shkrirja e mendjeve njerëzore me kompjuterët do të krijonte një superbrain që mund të kryejë ekuacione komplekse dhe të kërkonte në internet vetëm duke menduar.

6. Do të ketë kompjutera inteligjentë super të shpejtë.

Në vitin 2014, një superkompjuter kreu simulimin më të saktë të trurit të njeriut deri më tani. Në 1000 vjet nga tani, kompjuterët parashikohet që të tejkalojnë shpejtësinë llogaritëse të trurit të njeriut dhe të zgjidhin detyrat që i duhen një kompjuteri normal për një dekadë për t'u zgjidhur.

7. Të gjithë do të dukemi njësoj.

Në eksperimentin e tij të mendimit spekulativ, Dr. Kwan hipotetizoi se në një të ardhme të largët (më shumë se 100,000 vjet nga tani) njerëzit do të zhvillojnë një ballë më të madh, vrima hunde më të mëdha, sy më të mëdhenj dhe lëkurë më të pigmentuar. Shkencëtarët tashmë janë duke punuar në mënyra për të redaktuar gjenomet në mënyrë që prindërit të mund të zgjedhin mënyrën se si do të duken fëmijët e tyre.

8. Njerëzit do të lëvizin në një planet tjetër.

Në 1000 vjet nga tani, mënyra e vetme për të mbijetuar njerëzimi mund të jetë krijimi i vendbanimeve të reja në hapësirë. SpaceX ka një mision t’u "mundësojë njerëzimit që të ndërtojnë një civilizim hapësinor dhe një specie multi-planetësh duke ndërtuar një qytet të vetë-mbështetur në Mars". Themeluesi i kompanisë, Elon Musk, shpreson që të nis anijen e parë deri në vitin 2022, ndërsa për në Mars deri në vitin 2024.

9. Njerëzit do të jetojnë për 1.000 vjet.

Miliarderët tashmë janë duke investuar miliona dollarë në kërkime për ngadalësimin ose ndalimin e plakjes plotësisht. Në 1000 vjet, inxhinierët mjekësorë mund të krijojnë mjete shëruese për secilin përbërës që shkakton plakjen e indeve. Veglat e redaktimit të gjeneve janë tashmë këtu, të cilat mund të kontrollojnë gjenet tona dhe t'i bëjnë njerëzit imun ndaj sëmundjeve./Motilokal.com