Aventurë e çmendur, me rrahje të shpejta të zemrës që shkaktohen nga adrenalina gjatë ngjitjes në Via Ferrata, por që më pas qetësohen kur ballafaqohesh me pamjet më përrallore të bukurive të Kosovës.

Via Ferrata e ndërtuar për të apasionuarit e natyrës, sfidës e kënaqësisë, me shpellat që ofrojnë një eksperiencë të paharrueshme dhe unike.

Historia e Via Ferrata-ve në Kosovë po shkruhet nga Marimangat.

Via Ferrata, që në gjuhën italiane do të thotë “shteg i hekurt”, është shteg i siguruar me një fije të çeliktë dhe shkalla të siguruara në shkëmb, që u mundëson bjeshkatarëve të ngjiten në vende të cilat deri atëherë kanë mundur të shkojnë vetëm alpinistët më të trajnuar. 

Është një sistem që është zhvilluar për çështje të mbrojtjes gjatë luftës së parë Botërore në Itali dhe Austri e që më vonë është kthyer në sport dhe atraksion turistik.

Marimangat kanë ndërtuar një Via Ferrata tjetër në Gryken e Deçanit.

Sipas tyre Kosova tashmë ka 8 Via Ferrata në total dhe po bëhet qendër ballkanike për Via Ferrata.

“Via Ferrata është punuar me standard Italian e që është edhe standardi më i larte për punimin e Via Feratave”, njofton Marimangat.

Ky shteg është mbështetur financiarisht nga PPSE dhe Komuna e Deçanit./Motilokal.com