"Stuhi më e keqe e dimrit në një dekadë", ka goditur pjesët e bregdetit lindor të SHBA-së, duke marrë jetën e tre personave.

Siç njoftojnë mediat vendëse bora ka arritur trashësinë deri në dy metra. Stuhia e borës pritet të shtrihet Kolorado në Maine dhe 14 shtete ku janë vendosur paralajmërime të rrezikut.

Të paktën tre persona kanë humbur jetën në Pensilvani pas një përplasje masive të veturave. Policia tha se shumë njerëz u lënduan në përplasjen e cila përfshiu midis 30 deri në 60 automjete.

Kryetari i Bashkisë së New Yorkut, Bill de Blasio ka paralajmëruar se stuhia mund të jetë më e fuqishmja në disa vite. Ai paralajmëroi banorët që “ta marrin këtë seriozisht”. Shkollat në të gjithë qytetin kanë kaluar në mësimin online.

Stuhia e borës rezultoi më një valë ndërprerjesh të energjisë në Virxhinia dhe New Jersey.

Sipas njoftimeve qindra fluturime janë anuluar dhe shërbimet hekurudhore janë pezulluar në të gjithë verilindjen.

Ndërsa sekretarja amerikane e Transportit Elaine Chao paralajmëroi ata që ishin në zonën e stuhisë të kenë kujdes me lëvizjet e tyre dhe të mos vozisin në kushte të rrezikshme.

Stuhia dimërore Gail mund të sjellë më shumë borë se të gjithë dimrin e kaluar në New York City, Filadelfia dhe Uashington, DC./Motilokal.com