Edhe pasi kanë dëgjuar disa mesazhe paralajmëruese, njerëzit sërish mendojnë se asgjë serioze nuk do t’u ndodhë kurrë. Kjo mendësi na bën të papërgatitur në situata të rrezikshme. Emergjencat nuk ndodhin shpesh, por gjithsesi është e domosdoshme të mësojmë sesi të reagojmë në mënyrë që shanset tona të mbijetesës të jenë të mëdha.

Bright Side ka përgatitur disa këshilla sesi të reagoni në situata të rrezikshme.

1. Si të shpëtoni kur vetura është buzë greminës

1. Mos bëni asnjë lëvizje të shpejtë, vetëm nëse makina juaj është duke u rënë nga shkëmbi. Është më mirë të merrni frymë thellë dhe të planifikoni shpëtimin.

2. Lëvizni ngadalë për ta mbajtur makinën të ekuilibruar. Nëse ka disa njerëz në makinë, duhet të mundoheni të dilni nga anët e kundërta.

3. Mbajeni këmbën në frena. Mund të jetë mënyra e vetme që makina të mos rrokulliset poshtë.

4. Nëse në greminë është varur pjesa e parme e makinës, dilni përmes pjesës së pasme. Shtrini ulësen ngadalë, gjeni ekuilibrin dhe zvarrituni, hapni derën e pasme dhe dilni.

5. Hapni të gjithë xhamat e makinës, që të keni shumë mënyra për të dalë. Gjithashtu shkyçni dyert.

6. Nëse keni një foshnjë apo një fëmijë të vogël në makinë, prisni derisa të paktën një pasagjer i rritur të dalë nga makina dhe t’ia kaloni atij.

2. Si të mbijetoni nëse thyhet akulli dhe përfundoni në ujë

1. Kur thyhet akulli dhe përfundoni në ujë të ftohtë, mund t’ju kapë paniku dhe filloni të ngulçoni. Tronditja zgjat 1-3 minuta derisa trupi juaj të mësohet me temperaturën e ujit, por ju mundohuni ta shmangni këtë reagim.

2. Mbani kokën mbi ujë dhe sa më shumë nga trupi juaj të jetë e mundur. Duhen 10-45 minuta për të humbur vetëdijen në ujë të ftohtë.

3. Hiqni qafe çdo objekt të rëndë.

4. Merrni një pozicion horizontal ndërsa përpiqeni të dilni nga uji.

5. Mundohuni të nxirrni sa më shumë pjesë të trupit nga uji. Kapeni akullin duke përdorur parakrahët ose bërrylat.

6. Pasi të keni pjesën e sipërme të trupit mbi ujë, prisni disa minuta që rrobat të kullojnë. Pesha bie dhe dalja bëhet më e lehtë.

7. Mos u zvarritni, por rrokullisni trupin tuaj nëpër akull kur të jeni jashtë.

8. Bëni disa shtytje për të përmirësuar rrjedhën e gjakut.

3. Si t’i shpëtoni sulmit të një ujku

1. Mos krijoni kontakt me sy, sepse një ujk mund ta interpretojë atë si një sfidë të drejtpërdrejtë. Mbani kokën ulur.

2. Nëse ujku vazhdon të afrohet, ngrini duart mbi kokën tuaj dhe përpiquni të dukeni dominant. Filloni të përplasni duart dhe bërtisni. Ujku mund të mos trembet, por mund t’ju japë pak kohë shtesë për të shpëtuar.

3. Ndërsa ujku fillon të afrohet, largohu ngadalë. Ruani qetësinë dhe qëndroni të ekuilibruar. Mos e ktheni kokën.

4. Ngjituni në një pemë, por vazhdoni të shikoni ujkun.

5. Merrni një pozicion të dredhur nëse ujku ju sulmon.

6. Hidhni gurë dhe shkopinj në fytyrën e ujkut. Kafsha mund të vë në dyshim konfrontimin dhe mund të largohet.

7. Lidhuni në një rreth nëse jeni në një grup njerëzish për të monitoruar situatën nga kënde të ndryshme.

4. Si t’i shpëtoni një orteku

1. Shmangni skijimin në vende me erëra të forta sepse mund të shkaktojë ortek.

2. Mbuloni gojën për të parandaluar futjen e borës në të. Hiqni qafe çdo pajisje të rëndë, por jo çantën e shpinës, sepse mund të përdoret si mbrojtje shtesë, si një jastëk.

3. Mundohuni të kapeni mbas një peme të fortë.

4. Filloni të ‘notoni’ në mënyrë që të qëndroni në sipërfaqe të dëborës.

5. Mbajeni njërin krah drejtpërdrejt mbi kokën tuaj kur ndjeni se tërhiqeni poshtë dëborës. Lëkundeni rreth e rrotull, në mënyrë që të merrni një tunel për të marrë frymë. Kjo gjithashtu do t’ju ndihmojë të kuptoni se në cilën rrugë është lart, pasi është e lehtë të çorientohesh kur je nën dëborë.

6. Gërmoni një xhep rreth fytyrës tuaj. Sapo orteku të ndalet, bora vendoset aq fort sa betoni, kështu që ju duhet pak hapësirë për të marrë frymë për të paktën 30 minuta.

7. Lidheni radarin e ortekut përpara se të shkoni në skijim në mënyrë që një ekip shpëtimi t’ju zbulojë lehtë.

5. Si të shpëtoni nëse humbeni në xhungël apo pyll

1. Nëse humbni në xhungël, përdorni teknikën e njohur si STOP, e cila qëndron për "ndalo, mendo, vëzhgo dhe planifiko".

2. Mundohuni të kuptoni se nga keni ardhur.

3. Vazhdoni të ecni në një drejtim të qëndrueshëm. Lini shënime duke thënë se ku po shkoni dhe sa ishte ora.

4. Ndërtoni një strehë nëse qëndroni të humbur për një kohë të gjatë. Gjeni një degë të gjatë, mjaft të drejtë dhe mbështesni fundin e saj te një pemë. Tani vendosni degë më të shkurtra përgjatë gjatësisë së asaj të gjatë në kënde 45°. Mbuloni gjithçka me gjethe të mëdha.

6. Si të shpëtoni nga rryma e shpejtë e lumit

1. Notoni diagonalisht drejt vijës së bregut. Mos u mundoni të notoni drejt në breg. Do të duhet shumë energji. Zgjidhni të notoni në një kënd 45°.

2. Mos u mundoni të notoni në krah të kundërt të rrjedhës së lumit.

3. Lundroni poshtë në shpinë me këmbët në drejtim të rrjedhës. Koka juaj duhet të pozicionohet në rrjedhën e sipërme, në mënyrë që të mbrohet. Sapo të arrini një zonë më të qetë, rrokullisni dhe notoni diagonalisht drejt bregut.

7. Si të shpëtoni nga sulm i gjarpërit 

1. Qëndroni larg lumenjve të cekët që pëlqejnë gjarprinjtë. Nëse shihni një gjarpër, mos u afroni dhe shikoni nëse po ndjek lëvizjet tuaja.

2. Nëse ju shtrëngon një gjarpër, mos e nxirrni frymën. Sa herë që nxirrni frymën, gjarpri do të shtrëngohet më fort.

3. Merrni bishtin e gjarprit dhe kafshojeni fundin e tij sa më shumë që të mundeni. Kjo do të shkaktojë dhimbje të jashtëzakonshme të gjarpërit dhe ajo do t'ju lejojë të ikni.

4. Goditni gjarprin me një shkëmb afër ose me një objekt tjetër. Nëse nuk mund të kapni fundin e bishtit të gjarprit, gjëja më e mirë për të bërë është të luftosh me të derisa të të lirojë. Ata nuk duan një luftë por kanë nevojë për një shënjestër të lehtë.

Cila është situata më ekstreme që jeni ballafaquar ndonjëherë? Si i menaxhoni zakonisht ndjenjat e panikut?/Motilokal.com