Një shfaqje spektakolare e dritave të veriut pritet të ndodh të mërkurën në mbrëmje në zonë jugore të Pensilvanisë dhe Oregonit.

Dielli sapo lëshoi ekuivalentin e një stuhie diellore, duke dërguar kështu valë në të gjithë sistemin diellor. Disa nga energjitë e diellit do të arrijnë në atmosferën tonë mbrëmjen e së mërkurës dhe të enjtes, duke motivuar studiuesit që kërkojnë yjet të shikojnë drejt qiellit të natës në pritje të dritave veriore shumëngjyrëshe.

Pas disa muajsh pauzë, dielli është zgjuar në një periudhë të re të aktivitetit diellor. Një flakërim diellor mbresëlënës dhe Nxjerrja e Masës Koronale (CME) më 7 Dhjetor hodhi plazmën dhe fushën magnetike drejt tokës.

I gjithë ky proces, mund të krijojë probleme të shumta në fushën e komunikimit, telekomunikacionit, valëve radiofonike, GPS, dhe energjinë elektrike por do të shoqërohet më një spektakël të mrekullueshëm të Aurora Borealis, madje edhe për zona të cilat nuk kanë patur kurrë fatin ta përjetojnë nga afër si fenomen.

Ngjyra e zakonshme e Aurora Borealis është jeshilja e ndritshme, por këtë vit parashikohet që të krijohen një gamë më e madhe ngjyrash duke filluar nga e kuqja e deri tek roza, bluja dhe vjollca.

Edhe pse kulmi i parashikimit të dritave veriore është për tre orë duke filluar nga ora 10 e mërkurë, disa aktivitete do të jenë të mundshme deri më 10 dhjetor.

Mbani në mend, kjo nuk është e vetmja ngjarje mahnitëse qiellore që do të ndodhë këtë muaj. Në datën 21 Jupiteri dhe Saturni do të bëjnë qasjen e tyre më të afërt të dukshme që nga mesjeta, fenomen që nuk do të ndodhë më deri në vitin 2080./Motilokal.com