Nëntori është muaji më i mirë i vitit, në të cilin jo vetëm që janë regjistruar ditët më të mira me diell, me temperatura mesatare 25 ºC, por është gjithashtu muaji në të cilin qyteti i Buenos Aires bëhet me ngjyra vjollcë. Është muaji në të cilin lulëzojnë pemët Jacarandás, lloji karakteristikë i pemëve të Buenos Aires.

Shumë bulevarde dhe rrugë të Buenos Aires që janë të kapluar me një numër të madh të pemëve të lashta, parqe të gjera dhe specie të ndryshme të shpendëve, nga fundi i pranverës që bie në nëntor mbushen me ngjyrën vjollce me pemët Jacaranda që lulëzojnë.

Në Qytetin Autonom të Buenos Aires që shtrihet në një sipërfaqe prej 203 kilometra katrorësh, gjenden rreth 19.000 pema Jacaranda, një nga simbolet e qytetit.

Në 10 vitet e fundi numri i tyre është rritur për mbi 50 për qind ndërsa, planifikohet që ky numër të rritet në 40.000.

Jacaranda ka në shumë vende të botës, por atdheu i tyre vlerësohet të jenë shtetet e Amerikës Jugore, Brazili, Paraguaji, Bolivia dhe Argjentina, transmeton AA.

Këto pemë në Buenos Aires u sollën nga rajone të ndryshme të vendit nga arkitekti i peizazhit francez Carlos Thays ka fundi i shekullit të 19-të. Pemët që u përshtatën me klimën e qytetit dhe kushtet e tokës janë bërë pjesë e peizazhit të Buenos Aires.

Pema gjithashtu është bërë temë e këngëve, ndërsa në vitin 2015 u shpall pema e veçantë e qytetit nga organi legjislativ i qytetit.

Pema mund të rritet rreth 7 deri në 15 metra. Emri i saj rrjedh nga gjuha guarani që flitet në shtetet e Amerikës Jugore, Paraguaj, Bolivi dhe Argjentinë, që do të thotë "me aromë të këndshme"./Motilokal.com