Ngadalësimi i prodhimit industrial, i shkaktuar nga pandemia COVID-19, nuk e ka ndaluar rritjen rekord të përqendrimeve të CO2, gazit kryesor serrë që vazhdon në atmosferë. Është ky konkluzioni i Organizatës Botërore Meteorologjike të Kombeve të bashkuara.

Sipas buletinit vjetor të Agjencisë së Kombeve të Bashkuara, përqendrimi i dioksidit të karbonit në atmosferë u rrit ndjeshëm në vitin 2019 dhe rritja vazhdoi edhe në vitin 2020.

Falë bllokimeve në fillim të vitit 2020, emetimet e karbonit ranë me 17 për qind në kulmin e tyre, por efekti i përgjithshëm në përqendrime ka qenë shumë i vogël.

Vlerësimet paraprake sugjerojnë që CO2 do të vazhdojë të rritet këtë vit, por kjo rritje do të ulet me 0,08 në 0,23 ppm.

“Rënia e emetimeve e lidhur me bllokun është vetëm një gabim i vogël në tabelën afatgjatë. Ne kemi nevojë për rrafshimin e qëndrueshëm të kurbës”, theksoi sekretari i përgjithshëm i WMO, Petteri Taalas në një deklaratë.

Përqendrimi atmosferik i CO2 shkoi nga 407,9 në 410,5 pjesëza për milion vitin e kaluar duke arritur një nivel që është një herë e gjysmë më e lartë se në agimin e revolucionit industrial në shekullin XVIII./Motilokal.com