Kryhet me sukses udhëtimi i parë provë me pasagjerë për trenin Hyperloop të kompanisë Virgin, i projektuar për të lëvizur një ditë me një mijë kilometra në orë, duke mbuluar një distancë si ajo midis Milanos dhe Romës në rreth 30 minuta.

Dy nga menaxherët e projektit në bord: Josh Giegel, bashkëthemeluesi i kompanisë dhe kolegia e tij Sara Luchian e cila drejton njësinë 'përvoja e pasagjerëve'. Dy pasagjerët e parë udhëtuan 500 metra në 15 sekonda. Virgin është grup i themeluar nga miliarderi britanik Richard Branson.

”Testi tregon se Hyperloop mund të ndryshojë mënyrën e lëvizjes së botës”, thekson me entuziazëm Branson.

Projekti Hyperloop, i lindur nga një ide e themeluesit të SpaceX Elon Musk dhe me pas u zhvillua nga Virgin, i cili fitoi më shumë se 400 milionë dollarë.

Udhëtimi i parë i shkurtër u krye në shkretëtirën e Nevada afër Las Vegas. Moduli, i pagëzuar me emrin Pegasus, i ngjan pjesës së brendshme të një rakete sesa të një makine treni. Automjeti lëviz në një tunel me diametër 3.3 metra, një tub vakumi për të minimizuar fërkimin dhe për të rritur shpejtësinë e ecjes.

Një nga sfidat kryesore të Hyperloop është siguria, duke filluar nga tuneli në të cilin do të duhet të lëvizë. Qëllimi është të kombinohen teknologjia e ngritjes magnetike dhe tubit të vakumit për të rritur shpejtësinë e ecjes, deri në tejkalimin e asaj të automjeteve të tilla si Shanghai Transrapid, treni që lidh qendrën e qytetit kinez me aeroportin e tij ndërkombëtar, i cili mund të arrijë një shpejtësi prej 431 kilometra në orë./ANSA/Motilokal.com