Agjencia ruse e hapësirës “Roscosmos” pritet të nisë xhirimet, në Stacionin Ndërkombëtar të Hapësirës, për filmin e parë me metrazh të gjatë, në bashkëpunimi me kanalin më të madh televiziv të vendit, Channel One.

Ata kanë konkurrencë të fortë për titullin e 'filmit të parë të xhiruar në ISS' megjithëse, pasi Tom Cruise do të fluturojë për në stacion në tetor të vitit 2021 si pjesë e një marrëveshje me NASA-n dhe SpaceX të Elon Musk.

Shumë pak dihet për filmin amerikan, përveç faktit që Cruise do të jetë pjesë, bashkë me regjisorin Doug Liman, që u bashkua me të në ISS (Stacioni Ndërkombëtar i Hapësirës) për të filmuar skenat e filmit.

Ndërsa në filmin rus, përkohësisht të quajtur “The Challenge”, rolin kryesor në film, sipas skenarit, mendohet se do ta marrë një “supergrua”, aktorja për të cilën do të gjendet përmes një serie audicionesh të hapura në Channel One.

Aktorja duhet të jetë nga mosha 25 deri në 45 vjeç dhe me një aftësi për të interpretuar në mënyrë të përsosur letrën e Tatianës për Onjeginin në veprën e shkrimtarit të famshëm rus, Pushkinit.

Njoftimi i realizimi të filmit rus përbën kështu një garë të filmit hapësinor me perëndimin, duke garuar kundër NASA-s, Elon Musk dhe Tom Cruise.

Xhirimi i filmit rus do të nisë vjeshtën e ardhshme, në të njëjtën kohë kur planifikohet dhe filmi i Musk, madje mund të ndodhë që të dy filmat të jenë duke u filmuar në hapësirë në të njëjtën kohë.

Asnjë detaj specifik nuk është zbuluar në lidhje me komplotin për filmat rusë dhe ata amerikanë, përtej faktit se ata do të kenë skena të vendosura dhe të filmuara në hapësirë./Motilokal.com