Fenomeni La Ninja po ndodh në oqeanin Paqësor, duke bërë që rryma të ftohta ujërash të shtrihen gjerësisht gjeografikisht.

Sipas Organizatës Botërore Meteorologjike (OBM), fenomeni kësaj herë duket se po fut në vorbullën e tij edhe më shumë territor.

La Niña pritet të zgjasë deri në tremujorin e parë të vitit 2021, ka të ngjarë të ketë një efekt ftohës në temperaturat globale.

Por kjo nuk do të parandalojë që 2020-ta të jetë një nga vitet më të ngrohta të regjistruara.

La Niña përshkruhet si një nga tre fazat e shfaqjes së motit të njohur si El Niño-Lëkundja Jugore (ENSO).

Tre fazat janë: El Niño që sjell rryma të ngrohta ujore, La Niña të ftohta dhe një fazë neutrale.

Një La Niña zhvillohet kur erërat e forta fryjnë ujërat e ngrohtë sipërfaqësorë të Paqësorit larg Amerikës së Jugut dhe drejt Indonezisë.

Në vend të tyre, ujërat më të ftohtë nga thellësia e oqeanit dalin në sipërfaqe.

Kjo ngjarje çon në ndryshime të konsiderueshme të motit në pjesë të ndryshme të botës.

Nëse do të ndodhte një ngjarje me të vërtetë e fortë në La Niña, hulumtimet sugjerojnë që Mbretëria e Bashkuar dhe Evropa Veriore mund të përjetojnë një dimër shumë të lagësht.

Normalisht La Niña do të thotë në vendet si Indonezia dhe Australia mund të bien më shumë shi se zakonisht, dhe një muson më aktiv ndodh në Azinë Juglindore.

Ka të ngjarë të ketë më shumë stuhi në Kanada dhe në veri të SHBA-ve, duke çuar shpesh në kushte dëbore.

Shtetet e Jugut të SHBA-së mund të goditen nga thatësira në të njëjtën kohë.

Hera e fundit që u zhvillua një ngjarje e fortë ishte në vitet 2010-2011.

Organizatës Botërore Meteorologjike thotë se ka rreth 90% mundësi që temperaturat tropikale të detit Paqësor të mbeten në nivelet e La Niña për pjesën tjetër të këtij viti.

Ekziston një mundësi prej 55% që kushtet të vazhdojnë gjatë tremujorit të parë të vitit të ardhshëm.

Ndërsa një ngjarje në La Niña zakonisht ushtron një ndikim ftohës në botë, kjo nuk ka gjasa të bëjë shumë ndryshim në vitin 2020.

"La Niña zakonisht ka një efekt ftohës në temperaturat globale, por kjo është më shumë se e kompensuar nga nxehtësia e bllokuar në atmosferën tonë nga gazrat serë", tha Prof Petteri Taalas, nga OBM.

"Prandaj, 2020-ta mbetet në rrugën e duhur për të qenë një nga vitet më të ngrohta të regjistruara dhe vitete 2016-2020 pritet të jetë periudha më e ngrohtë pesë-vjeçare e regjistruar", tha ai

OBM thotë se po njofton për t'u dhënë qeverive një shans për të mobilizuar planifikimin e tyre në fusha kryesore si menaxhimi i katastrofave dhe bujqësia.

Një aspekt i rëndësishëm i La Niña-s është efekti që mund të ketë në pjesën e mbetur të sezonit të uraganeve në Atlantik.

Sezoni i uraganeve përfundon më 30 nëntor dhe deri më tani ka pasur 27 stuhi të emërtuara. Kjo është më shumë se 25 e parashikuar nga Administrata Kombëtare Oqeanike dhe Atmosferike e SHBA (NOAA) në fillim të këtij viti./Motilokal.com