Mijëra njerëz janë evakuuar pas shpërthimit të zjarreve nga temperaturat e larta dhe erërat e forta në Kaliforninë e Jugut.

Erërat e forta në Santa Ana të shtyrë nga ajri i nxehtë nga shkretëtira, kanë shkaktuar dëme të mëdha, ndërsa është lëshuar alarmi i kuq.

Më shumë se 750 zjarrfikës duke përdorur 14 helikopterë arritën të përmbajnë vetëm 5 për qind të zjarrit në Silverado.

Dy zjarrfikës u plagosën dhe gjenden në gjendje kritike duke luftuar me jetën, pasi moren djegie të shkallës së dytë dhe të tretë në pjesën më të madhe të trupave të tyre, tha OCFA.

Zjarri në malet Santa Ana në jug të Los Anxhelosit bëri që zyrtarët të urdhëronin më shumë se 90,000 banorë të largoheshin nga shtëpitë e tyre dhe përreth qytetit të Irvine, thanë zyrtarët.

Zjarret këtë vit kanë shkatërruar Kaliforninë, duke djegur më shumë se 16,500 kilometra katrorë - ekuivalente me tokën e shtetit të Hawaiit - që nga fillimi i vitit, me 31 jetë të humbura dhe mijëra shtëpi të shkatërruara./Motilokal.com